Tuesday, October 23 2018
Posljednja vijest

S.Pelinkovic – M.Cetkovic: IN MEMORIAM – PROF. PERO KONJOKRAD (1952-2018)

Pero Konjograd

Oni koji žive skromno i tiho, tako i odlaze.

Ulcinj je bio privilegovan da profesor matematike bude najbolji student Prirodno-matematičkog fakulteta u Sarajevu. To najbolje znaju oni koji su izabrali egzaktne nauke za studij, kao i oni koje je pripremao za prijemne i druge ispite i kojima je bio taličan. A iza te taličnosti krila se upornost, studioznost i sistematičnost.

Njegova principijelnost je nailazila na otpore, od kojih nezaštićen, prije par godina napušta Gimnaziju i posvećuje se poljoprivredi i privatnim časovima.

Nijesmo mu znali “kimet”!

Ispod askete krila se jedna sentimentalna duša i vrhunski intelekt baziran na logičkim premisama GORDŽIJEVA, koga je često citirao.

Pomno je pratio savremene matematičke metode.

Mi koji smo s njim dijelili vrijeme, bili smo počastvovani. Britke, jednostavne a duboke misli “garnirane” pragmatizmom, dijelio je u komunikaciji sa malim brojem prijatelja.

Da li je njegova arhaičnost bila vid protesta?

Na kraju, putuj PROFESORE, a suze Bodina, Aleksandra i mnoge djece kojima si bio drag će ti biti najboji pratilac.

Svima koji su te poznavali nedostajaće tvoja blagost i osmjeh.
(Autori teksta pravnik Sadik Pelinković i advokat Miloš Ćetković)

Postavi komentar

Your email address will not be published. Required fields are marked *

*

Scroll To Top