Prava drama odigrala se sinoć oko 21 čas u naselju Pinješ, saznaje Portal Ul-info. Naime, nakon što je primljena dojava o obijanju jednog stana u Vojnim zgradama, policija je odmah stigla i na licu mjesta zatekla tri lica.
Radilo se o državljanima Albanije, iz područja Mirdite, u okolini Skadra: Fran Keciju, i braći Viktoru i Marjanu Mirditi.
Ali, Marjan je u trenutku umakao policiji i bježeći pao sa litice visoke preko 15 metara zadobivši teške tjelesne povrede. Odmah je kolima ulcinjske Hitne pomoći prebačen u Bolnicu u Baru gdje se nalazi na hospitalizaciji.
Istovremeno su Viktor Mirdita i Fran Keci prebačeni u Istražni zatvor u Spužu.
Protiv ova tri lica je podnešena krivična prijava zbog „teške krađe u pokušaju“.
