Ulcinj je od danas siromašniji za jednog velikog čovjeka. Iznenada, u svojoj 51. godini, umro je Jusuf-Cufo Karamanaga, popularni Koki.
Ostaće ogromna praznina u čitavom Gradu. Siguran sam da Pristan, čiji je Koki bio jedan od simbola, više neće imati onu draž i toplinu.
Uvijek spreman da pomogne, dobrodušan, omiljen u društvu, bio je pravi reprezent ovog Grada. To se najbolje vidjelo na Adi, gdje je godinama radio i gdje su turisti uživali u razgovorima sa njim.
Koki je imao prekrasno, nasmijano lice, požrtvovanost i hrabrost. Bio je čovjek sa stavom, koji se nikada nije savijao pred kakvom silom ili vlašću. Tihi, samozatajni pionir demokratije.
Nedostajaće nam naš Koki, najviše svojoj divnoj porodici, ali i svima nama koji smo imali privilegiju da se sa njim družimo.
Molimo se Samilosnom Bogu da časnom čovjeku, Jusufu Karamanagi, da blagodati koje je pripremio za svoje dobre robove.
