Makina për paketim, pronë e Kripores së Ulqinit, është shitur këto ditë me çmim 42.000 euro kompanisë nga Nikshiqi “Qendra për riciklim”(Centar za reciklažu), tha administruesi i falimentit në këtë ndërmarrje Zharko Ostojiq.
Kompania nga Nikshiqi është një nga kompanitë kryesore në vend për grumbullimin, përpunimin dhe shitjen e mbeturinave nga metali.
Përfaqësuesi i punëtorëve të dikurshëm Veselin – Sasha Mitroviq pohon se makina për paketim, e cila u ble 1,2 milion euro, ishte e re dhe e papërdorur.
“Është interesante se nuk ekziston shpallja për shitjen ose ne nuk dimë kur dhe ku është publikuar”, tha Mitroviq.
Ostojiq tha se shitja e makinës për paketim është kryer sipas ligjeve dhe procedurave në fuqi.
