Obrađivač Prostorno-urbanističkog plana Ulcinja Ksenija Vukmanović rekla je Portalu Ul-info da je tehničkom greškom došlo do ucrtavanja Gradskog parka na Pristanu kao mjesta za gradnju turističkog objekta.
“Svakako ćemo to popraviti, jer nam apsolutno nije bila namjera da bilo koji park ucrtamo kao građevnu zonu”, istakla je ona.
Prema njenim riječima, do kraja ovog mjeseca biće gotovi odgovori na primjedbe koje su na Nacrt PUP-a dali opština, nevladine organizacije i građani. “Nakon toga napravićemo nove karte , a ostaje nam i posao da ovaj plan uskladimo dijelom i sa planom za obalno područje”, dodala je ona.
