Njemački državljanin M. B. (34) nastanjen u Ulcinju kažnjen je zatvorskom kaznom od 15 dana, zbog neprimjerenog ponašanja.
Tu je odluku, kako je “Vijestima” potvrdio predsjednik Suda za prekršaje u Budvi Marko Đukanović, danas donijela sutkinja odjeljenja u Ulcinju Anka Rašović.
Okrivljenog je sat iza ponoći privela policija nakon negodovanja građana.
Kako je “Vijestima” rečeno M. B. se jutros oko 1.20 časova na javnom mjestu u centru grada nepristojno i bezobzirno ponašao, vikao i galamio, ležao nasred puta i na taj način izazvao uzmirenost i i negodovanje građana, čime je učinio prekršaj iz Zakona o javnom redu i miru.
Protiv njega je policija podnijela prekršajnu prijavu, a Sud je izrekao zatvorsku kaznu.
