Ulcinjanin Fadil Pelinku rekao je da kod njega dolaze ljudi sa raznim problemima kojima on daje zapise i savjete.
„Dolaze i kažu uvijek: imam neke probleme i ne znam šta mi je. Dolaze oni koji se plaše noću, imaju strah, urok, crnu magiju, demone…“, kazao je ovaj derviš „Vijestima“ navodeći da je to tradicija koju je naslijedio i da je stara 350 godina.
Naveo je da ljudima daje zapise iz Kur’ana i da to nema cijenu, a da mu oni daju koliko imaju – od pet do 20 eura.
I Ćerem Kanaći iz Krajine je tom listu rekao da mu je od oca ostao amanet da liječi ljude. „Grijeh je lagati, zloupotrebljavati i ne pomoći onom ko traži pomoć,“, dodao je on.
